ang kahoy sa kinabuhi
"Ang kahoy sa kinabuhi ug kahibalo"
Sumala sa Genesis, daghang klasing kahoy ang gihimo sa Dios didto sa Eden mao nga daghan usab ang nagalibug kung unsang klasiha sa kahoy ang buot ipasabot sa nahisulat.
Mao kini ang matang sa mga kahoy nga nahisulat:
1. Kahoy nga maayong kan-on ang bunga
2. Kahoy nga maghatag ug kinabuhi
3. Kahoy nga maghatag ug kahibalo
Gipatubo sa Ginoong Dios ang tanang matang sa mga kahoy nga maanindot ug mamungag mga bunga nga maayong kan-on. Sa taliwala sa tanaman diha ang kahoy nga naghatag ug kinabuhi ug ang kahoy nga naghatag ug kahibalo unsay maayo ug unsay daotan. - Gen.2:9
Si Adan ug Eva gimanduan sa Dios nga pwede silang makakaon sa bunga sa tanang matang sa kahoy sa tanaman apan dili sa kahoy nga makahatag ug kahibalo nga anaa nahimutang sa tunga-tunga niini tungod kay mamatay sila. Gihadlok sila sa Dios nga mamatay kung makaka-on niini tungod kay sila mahimong maalamon ug makabalo sa dautang kinaiya. Sapagkatinood, sa dihang ila kining gisupak nakaanak si Eva ni Cain nga maoy nakasunod sa ilang kahibalo sa dautan. Ug si Cain nakapatay sa iyang igsuon ug gipatay usab siya sa iyang anak. Mao diay kini ang hinungdan ngano dili gayud buot sa Dios mahimong dautan ang tawo.
Giingnan niya ang tawo, “Makahimo ka pagkaon sa mga bunga sa tanang kahoy sa tanaman 17gawas sa kahoy nga naghatag sa kahibalo unsay maayo ug unsay daotan. Kon mokaon ka niini, nianang adlawa mamatay ka gayod.” - Gen 2:16-17
Karun unsa maning matanga sa kahoy nga naghatag sa kinabuhi ug kahibalo?
Tinuod ba kini nga makaon ang bunga sama sa mga prutas?
Sa akong pagtoon niini akong nakita sa bag-ong kasulatan nga si Kristo ug ang iyang mga apostoles nagahisgot bahin sa kahoy nga naghatag ug kinabuhi. Ug matud pa nga ang maong kahoy nahimutang usab sa tunga-tunga sa tanaman didto sa paraiso. Sumala sa ilang paghulagway sa kahoy:
1. Naghatag ug 12 ka klasing bunga
2. Ika 12 pud mobunga sa usa ka tuig
3. Ang dahon tambal sa mga sakit
“Busa kon may dalunggan ka, pamatia ang giingon sa Espiritu ngadto sa mga simbahan! “Kadtong modaog hatagan ko sa katungod sa pagkaon sa bunga sa kahoy nga naghatag ug kinabuhi nga anaa sa Tanaman sa Dios. -Pinadayag 2:7
Midagayday kini sa taliwala sa dalan sa siyudad. Sa isigkadaplin sa suba may kahoy nga naghatag sa kinabuhi nga mamungag kausa matag bulan ug ang mga dahon niini tambal alang sa kanasoran. - Pinadayag 22:2
Bulahan kadtong naglaba sa ilang bisti aron sila hatagan sa katungod sa pagkaon sa bunga sa kahoy nga naghatag sa kinabuhi ug sa pagsulod sa mga ganghaan sa siyudad. - Pinadayag 22:14
Kita nasayud nga si Kristo mao ang kinabuhi. Siya natawo sa kalibutan arun pag-ayo sa mga sakit sa iyang katawhan kauban sa iyang 12 ka apostoles, ug arun usab pag dala kanila ngadto sa paraiso. Kini nagpasabot nga si bisan kinsa kadtong moduol kaniya makaangkon sa kahoy sa kinabuhi. Si Hesus usab nagasulti nga siya ang kinabuhi ug siya ang pan sa kinabuhi. Sa ato pa si HesuKristo diay ang kahoy nga naghatag sa kinabuhi.
Si Jesus miingon kanila, “Ako mao ang pan nga naghatag sa kinabuhi. Ang moari kanako dili na gayod gutomon ug ang motuo kanako dili na gayod uhawon. - Juan 6:35
Ako ang pan nga naghatag sa kinabuhi. - Juan 6:48
Si Jesus mitubag, “Ako ang dalan, ang kamatuoran ug ang kinabuhi. Walay makaadto sa Amahan kon dili moagi kanako. - Juan 14:6
Ang mga pulong ni Kristo mao ang mga bunga sa kahoy nga naghatag ug kinabuhi. Kung kita magatuo sa iyang pulong ug magasunod niini nagpasabot nga kita nakakaon na sa maong bunga sa kahoy. Ang iyaang mga pulong maoy tambal sa espirituhanong sakit niining atong panahon karun sama sa pagkadautan ug sa pagka madudahon sa pagtoo.
Karun unsa man kining kahoya ang naghatag ug KAHIBALO sa dautan?
Ang hulagway niini sa sinugdan mao ang 3 ka tintasyon nga nagtintal ni Eva didto sa Eden:
1. Lami pagakan-on
2. Lami tan-awon
3. Makahimong maalamon
Sa pagkakita sa babaye nga ang maong kahoy maanindot kaayo ug laming kan-on ang bunga niini ug makapahimo kaniyang maalamon, mikuha siyag bunga ug gikaon niya kini. Unya gihatagan niya ang iyang bana ug mikaon usab siya.- Gen.3:6
Gihulagway usab kini sa panahon ni Kristo sa dihang getintal usab siya sa yawa sa makatulo didto sa kamingawan:
1. Himuong pan ang bato arun siya makakaon
2. Ambak sa taas sa templo arun mahibaw-an ang iyang kagamhanan
3. Moluhod sa yawa arun maangkon niya ang tanang gingharian sa kalibutan
Kining 3 ka tintasyon nga nasinati nila ni Eva ug ni Hesus gipasabot pagklaro ni apostol Juan nga adunay 3 ka tintasyon sa kalibutan ug mao kini:
1. Kahidlaw sa unod
2. Kaibug sa mata
3. Garbo sa tawo
Kay ang tanang butang nga iya sa kalibotan—ang unodnong kahidlaw, ang tanang gikaibgan sa mga mata ug ang tanang gipasigarbo sa tawo—dili kini iya sa Amahan kondili iya sa kalibotan. - 1Juan 2:16
Sa ato pa diay, ang kahoy nga naghatag sa kahibalo nga naangkon nila ni Adan ug Eva kaniadto mao ang tawhanong kinaiya sa kalibutan.
Sumala sa Genesis, daghang klasing kahoy ang gihimo sa Dios didto sa Eden mao nga daghan usab ang nagalibug kung unsang klasiha sa kahoy ang buot ipasabot sa nahisulat.
Mao kini ang matang sa mga kahoy nga nahisulat:
1. Kahoy nga maayong kan-on ang bunga
2. Kahoy nga maghatag ug kinabuhi
3. Kahoy nga maghatag ug kahibalo
Gipatubo sa Ginoong Dios ang tanang matang sa mga kahoy nga maanindot ug mamungag mga bunga nga maayong kan-on. Sa taliwala sa tanaman diha ang kahoy nga naghatag ug kinabuhi ug ang kahoy nga naghatag ug kahibalo unsay maayo ug unsay daotan. - Gen.2:9
Si Adan ug Eva gimanduan sa Dios nga pwede silang makakaon sa bunga sa tanang matang sa kahoy sa tanaman apan dili sa kahoy nga makahatag ug kahibalo nga anaa nahimutang sa tunga-tunga niini tungod kay mamatay sila. Gihadlok sila sa Dios nga mamatay kung makaka-on niini tungod kay sila mahimong maalamon ug makabalo sa dautang kinaiya. Sapagkatinood, sa dihang ila kining gisupak nakaanak si Eva ni Cain nga maoy nakasunod sa ilang kahibalo sa dautan. Ug si Cain nakapatay sa iyang igsuon ug gipatay usab siya sa iyang anak. Mao diay kini ang hinungdan ngano dili gayud buot sa Dios mahimong dautan ang tawo.
Giingnan niya ang tawo, “Makahimo ka pagkaon sa mga bunga sa tanang kahoy sa tanaman 17gawas sa kahoy nga naghatag sa kahibalo unsay maayo ug unsay daotan. Kon mokaon ka niini, nianang adlawa mamatay ka gayod.” - Gen 2:16-17
Karun unsa maning matanga sa kahoy nga naghatag sa kinabuhi ug kahibalo?
Tinuod ba kini nga makaon ang bunga sama sa mga prutas?
Sa akong pagtoon niini akong nakita sa bag-ong kasulatan nga si Kristo ug ang iyang mga apostoles nagahisgot bahin sa kahoy nga naghatag ug kinabuhi. Ug matud pa nga ang maong kahoy nahimutang usab sa tunga-tunga sa tanaman didto sa paraiso. Sumala sa ilang paghulagway sa kahoy:
1. Naghatag ug 12 ka klasing bunga
2. Ika 12 pud mobunga sa usa ka tuig
3. Ang dahon tambal sa mga sakit
“Busa kon may dalunggan ka, pamatia ang giingon sa Espiritu ngadto sa mga simbahan! “Kadtong modaog hatagan ko sa katungod sa pagkaon sa bunga sa kahoy nga naghatag ug kinabuhi nga anaa sa Tanaman sa Dios. -Pinadayag 2:7
Midagayday kini sa taliwala sa dalan sa siyudad. Sa isigkadaplin sa suba may kahoy nga naghatag sa kinabuhi nga mamungag kausa matag bulan ug ang mga dahon niini tambal alang sa kanasoran. - Pinadayag 22:2
Bulahan kadtong naglaba sa ilang bisti aron sila hatagan sa katungod sa pagkaon sa bunga sa kahoy nga naghatag sa kinabuhi ug sa pagsulod sa mga ganghaan sa siyudad. - Pinadayag 22:14
Kita nasayud nga si Kristo mao ang kinabuhi. Siya natawo sa kalibutan arun pag-ayo sa mga sakit sa iyang katawhan kauban sa iyang 12 ka apostoles, ug arun usab pag dala kanila ngadto sa paraiso. Kini nagpasabot nga si bisan kinsa kadtong moduol kaniya makaangkon sa kahoy sa kinabuhi. Si Hesus usab nagasulti nga siya ang kinabuhi ug siya ang pan sa kinabuhi. Sa ato pa si HesuKristo diay ang kahoy nga naghatag sa kinabuhi.
Si Jesus miingon kanila, “Ako mao ang pan nga naghatag sa kinabuhi. Ang moari kanako dili na gayod gutomon ug ang motuo kanako dili na gayod uhawon. - Juan 6:35
Ako ang pan nga naghatag sa kinabuhi. - Juan 6:48
Si Jesus mitubag, “Ako ang dalan, ang kamatuoran ug ang kinabuhi. Walay makaadto sa Amahan kon dili moagi kanako. - Juan 14:6
Ang mga pulong ni Kristo mao ang mga bunga sa kahoy nga naghatag ug kinabuhi. Kung kita magatuo sa iyang pulong ug magasunod niini nagpasabot nga kita nakakaon na sa maong bunga sa kahoy. Ang iyaang mga pulong maoy tambal sa espirituhanong sakit niining atong panahon karun sama sa pagkadautan ug sa pagka madudahon sa pagtoo.
Karun unsa man kining kahoya ang naghatag ug KAHIBALO sa dautan?
Ang hulagway niini sa sinugdan mao ang 3 ka tintasyon nga nagtintal ni Eva didto sa Eden:
1. Lami pagakan-on
2. Lami tan-awon
3. Makahimong maalamon
Sa pagkakita sa babaye nga ang maong kahoy maanindot kaayo ug laming kan-on ang bunga niini ug makapahimo kaniyang maalamon, mikuha siyag bunga ug gikaon niya kini. Unya gihatagan niya ang iyang bana ug mikaon usab siya.- Gen.3:6
Gihulagway usab kini sa panahon ni Kristo sa dihang getintal usab siya sa yawa sa makatulo didto sa kamingawan:
1. Himuong pan ang bato arun siya makakaon
2. Ambak sa taas sa templo arun mahibaw-an ang iyang kagamhanan
3. Moluhod sa yawa arun maangkon niya ang tanang gingharian sa kalibutan
Kining 3 ka tintasyon nga nasinati nila ni Eva ug ni Hesus gipasabot pagklaro ni apostol Juan nga adunay 3 ka tintasyon sa kalibutan ug mao kini:
1. Kahidlaw sa unod
2. Kaibug sa mata
3. Garbo sa tawo
Kay ang tanang butang nga iya sa kalibotan—ang unodnong kahidlaw, ang tanang gikaibgan sa mga mata ug ang tanang gipasigarbo sa tawo—dili kini iya sa Amahan kondili iya sa kalibotan. - 1Juan 2:16
Sa ato pa diay, ang kahoy nga naghatag sa kahibalo nga naangkon nila ni Adan ug Eva kaniadto mao ang tawhanong kinaiya sa kalibutan.