pagkabanhaw
Ang doctrina sa Pagkabanhaw dili klaro sa mga Hudeo kaniadto sa Israel. Ang ilang relihiyon nabahin sa duha ka tinuohan mahitungod ani; ang mga gitawag ug Pariseo nagatuo nga adunay pagkabanhaw sa mga patay, apan ang mga gitawag na Sadduceo nagalimod nga adunay pagkabanhaw sa mga patay nga dugay nang anaa sa mga lubnganan.
Kini nga panaglalis sa tinuohan mahitungod sa pagkabanhaw sa mga patay napamatud-an sa dihang nabanhaw si Kristo. Kay sa pagkamatay ni Kristo didto sa kruz nangabuak ang mga lubnganan sa mga patay ug paglabay sa tulo ka adlaw namakod kini sa ilang mga lubnganan dugnan ni Kristo ug nanglakaw tipon sa mga tawo sa siyudad. Ug dinhi natuman ang gipaabot sa mga Pariseo nga pagkabanhaw sa ilang mga patay.
Ang mga Sadduceo dili gayod motuo kaniadto nga adunay pagkabanhaw tungod usab sa ilang gikalibgan nga kung ang usa ka babaye naminyo sa makadaghan kinsa man ang iyang angkunon nga bana pagabot sa panahon nga sila mangabanhaw na. Apan si Jesus miingon nga ang pagkabanhaw dili na sama ang kahimtang dinhi sa kalibutan nga adunay bana ug adunay asawa kay ang mga tawo didto sa langit sama na sa mga anghel sa Dios.
Sa akong pagtuo mao usab kini hinungdan kung ngano gitudlo jud sa Dios ang paghigugma sa isigkatawo sama sa atong kaugalingon tungod kay didto sa langit nga atong pagapuy-an ang tanan tawo pariho lamang ug wala nay pinalabi sa paghigugma.
Unang Pagkanbanhaw:
Kadtong pagkabanhaw sa mga patay dungan ni Kristo mao kadto sila ang gihukman niya. Ang uban kanila gidala niya sa sa iyang pagkayab sa langit apan ang uban nagpabilin arun masilotan sa ikaduhang kamatayon nga mao ang paglaglag sa Jerusalem pinaagi sa gera.
Ikaduhang Pagkabanhaw:
Ang ikaduhang bahin sa pagkabanhaw mahitabo kini inig tingog sa katapusang kalisdanan o katapusang trumpeta. Mao kini ang hitabo sa pagkapukan na sa Israel sa dakung gera batok sa Roma, ug sa ingon usab nangabanhaw ang mga nangamatay nga nituo ni Kristo. Aning adlawa ang nabanhaw nga mga nangamatay tungod sa ngalan ni Kristo ug ang mga buhing magtutuo gibayaw sila tanan didto sa langit.
Natapos na ang tanang panangna sa bibliya niadtong pagbalik ni Kristo ug paghukom sa Israel pinaagi sa dakung gubat batok sa Roma nga nahitabo 40 ka tuig ang nilabay human siya nabanhaw.
Ania na kita karun nga si Kristo ang naghari sa tanang binuhat. Mao kini ang panahon nga kinabuhing espirituhanon ug wala nay kamatayon. Wala nay pagkabanhaw tungod kay wala namay kamatayon ni bisan kinsa nga nidawat kaniya nga mao ang kinabuhing dayon. Magpasalamat kita nga atong napuy-an ang bag-o ug espirituhanong Jerusalem pinaagi sa pagtuo. Puno na sa kagawasan ug wala nay pagpanglutos ug pagkastigo tungod kay siya na ang naghari.
Kini nga panaglalis sa tinuohan mahitungod sa pagkabanhaw sa mga patay napamatud-an sa dihang nabanhaw si Kristo. Kay sa pagkamatay ni Kristo didto sa kruz nangabuak ang mga lubnganan sa mga patay ug paglabay sa tulo ka adlaw namakod kini sa ilang mga lubnganan dugnan ni Kristo ug nanglakaw tipon sa mga tawo sa siyudad. Ug dinhi natuman ang gipaabot sa mga Pariseo nga pagkabanhaw sa ilang mga patay.
- 50Unya si Jesus misinggit pag-usab ug namatay.51Unya ang tabil sa Templo nagisi gikan sa taas ngadto sa ubos. Nauyog ang yuta ug nangapikas ang mga bato. 52Ang mga lubnganan nangaabli ug daghan sa nangamatay na nga katawhan sa Dios ang nangabanhaw 53ug nanggula sa ilang lubnganan. Miadto sila sa Balaang Siyudad human mabanhaw si Jesus ug didto nakit-an sila sa daghang mga tawo. - Mat.27:50-53
- Thy dead men shall live, together with my dead body shall they arise. Awake and sing, ye that dwell in dust: for thy dew is as the dew of herbs, and the earth shall cast out the dead. -Isa 26:19
Ang mga Sadduceo dili gayod motuo kaniadto nga adunay pagkabanhaw tungod usab sa ilang gikalibgan nga kung ang usa ka babaye naminyo sa makadaghan kinsa man ang iyang angkunon nga bana pagabot sa panahon nga sila mangabanhaw na. Apan si Jesus miingon nga ang pagkabanhaw dili na sama ang kahimtang dinhi sa kalibutan nga adunay bana ug adunay asawa kay ang mga tawo didto sa langit sama na sa mga anghel sa Dios.
- 30Kay kon banhawon na ang mga patay, mahisama sila sa mga anghel sa langit ug dili na magminyoay ang mga lalaki ug mga babaye. - Mat.22:30
Sa akong pagtuo mao usab kini hinungdan kung ngano gitudlo jud sa Dios ang paghigugma sa isigkatawo sama sa atong kaugalingon tungod kay didto sa langit nga atong pagapuy-an ang tanan tawo pariho lamang ug wala nay pinalabi sa paghigugma.
- 31Ang sunod mao kini: ‘Higugmaa ang imong isigkatawo sama sa imong kaugalingon.’ Wala nay sugo nga labi pang mahinungdanon kay niining duha.” - Mar.12:31
Unang Pagkanbanhaw:
Kadtong pagkabanhaw sa mga patay dungan ni Kristo mao kadto sila ang gihukman niya. Ang uban kanila gidala niya sa sa iyang pagkayab sa langit apan ang uban nagpabilin arun masilotan sa ikaduhang kamatayon nga mao ang paglaglag sa Jerusalem pinaagi sa gera.
- 2Ug daghan sa mga nangamatay nga atua na sa lubnganan mabanhaw ngadto sa kinabuhing dayon ug ang uban ngadto sa kaulawan nga walay kataposan. - Dan.12:2
- 28Ayaw kamo kahibulong kay moabot ang panahon nga ang tanang mga patay makadungog sa iyang tingog 29ug manggula sila sa ilang lubong: kadtong maayog binuhatan mabanhaw ug mabuhi sa dayon ug kadtong daotag binuhatan mabanhaw apan silotan. - Juan 5:28-29
- Kay nag-ingon ang kasulatan, “Sa pagkayab niya ngadto sa kahitas-an, nagdala siyag daghang mga bihag; ug gihatagan niyag mga gasa ang mga tawo.” - Efe.4:8
- Unya nakita ko ang mga trono ug ang mga naglingkod niini nga gihatagan ug gahom sa paghukom. Nakita ko usab ang mga kalag niadtong gipamunggotan tungod sa pagsangyaw nila sa kamatuoran nga gipadayag ni Jesus ug tungod sa pulong sa Dios. Wala sila mosimba sa mananap o sa iyang larawan. Wala sila magpapatik sa ilang agtang ug kamot sa timaan sa mananap. Nabanhaw sila ug naghari uban kang Cristo sulod sa 1,000 ka tuig. 5Wala mabanhaw ang ubang mga patay hangtod nga miagi ang 1,000 ka tuig. Mao kini ang unang pagbanhaw. 6Bulahan kaayo ang nahiapil sa unang pagbanhaw. Wala nay gahom kanila ang ikaduhang kamatayon. Mahimo silang mga pari sa Dios ug ni Cristo ug maghari sila uban kaniya sulod sa 1,000 ka tuig. - Gip.20:4-6
Ikaduhang Pagkabanhaw:
Ang ikaduhang bahin sa pagkabanhaw mahitabo kini inig tingog sa katapusang kalisdanan o katapusang trumpeta. Mao kini ang hitabo sa pagkapukan na sa Israel sa dakung gera batok sa Roma, ug sa ingon usab nangabanhaw ang mga nangamatay nga nituo ni Kristo. Aning adlawa ang nabanhaw nga mga nangamatay tungod sa ngalan ni Kristo ug ang mga buhing magtutuo gibayaw sila tanan didto sa langit.
- 51Mao kini ang misteryo: dili ang tanan kanato mamatay apan kitang tanan kalit nga mangausab 52sama kakalit sa usa ka pagpamilok. Mahitabo kini inigtingog sa kataposang trumpeta. Kay inigtingog niini, ang mga patay banhawon aron dili na gayod mamatay. Ug kita mangausab. 53Kay kining lawas nga madunot kinahanglan magsul-ob sa pagkadili na madunot ug kining lawas nga mamatay, kinahanglang magsul-ob sa pagkadili na mamatay. 54Busa kon kining lawas masul-oban na sa pagkadili madunot ug kon kining lawas nga mamatay masul-oban na sa pagkadili mamatay, matuman na ang kasulatan nga nag-ingon: “Gilaglag sa dayon ang kamatayon diha sa hingpit nga kadaogan.” - 1Cor.15:51-54
- 15Ang pagtulon-an sa Ginoo nga gitudlo namo kaninyo mao kini: kita nga buhi pa inigbalik sa Ginoo dili mag-una niadtong nangamatay na. 16Unya mabati ang singgit sa pagmando ug ang tingog sa arkanghel ingon man ang lanog sa trumpeta sa Dios ug mokunsad ang Ginoo gikan sa langit. Maoy unang mabanhaw kadtong nangamatay nga nagtuo kang Cristo. 17Unya kita nga buhi pa niadtong adlawa, bayawon uban kanila didto sa mga panganod aron pagsugat sa Ginoo. - 1Tes.4:15-17
Natapos na ang tanang panangna sa bibliya niadtong pagbalik ni Kristo ug paghukom sa Israel pinaagi sa dakung gubat batok sa Roma nga nahitabo 40 ka tuig ang nilabay human siya nabanhaw.
Ania na kita karun nga si Kristo ang naghari sa tanang binuhat. Mao kini ang panahon nga kinabuhing espirituhanon ug wala nay kamatayon. Wala nay pagkabanhaw tungod kay wala namay kamatayon ni bisan kinsa nga nidawat kaniya nga mao ang kinabuhing dayon. Magpasalamat kita nga atong napuy-an ang bag-o ug espirituhanong Jerusalem pinaagi sa pagtuo. Puno na sa kagawasan ug wala nay pagpanglutos ug pagkastigo tungod kay siya na ang naghari.
- 22Apan ang giduol ninyo mao hinuon ang Bukid sa Sion ug ang siyudad sa buhing Dios, ang langitnong Jerusalem, uban sa linibo ka mga anghel niini. - Heb.12:22
- Dili ang espirituhanon maoy nag-una kondili ang lawasnon ug mosunod ang espirituhanon. - 1Cor.15:46