pagkatawo pagusab
Ang Pagkatawo Pagusab sa usa ka tawo maoy paagi arun makasulod sa gingharian sa Dios didto sa langit pagabot sa panahon. Si Nicodemus nangutana niini kaniadto kang Jesus mismo kung unsaon pagpakatawo pagusab sa tawo nga dili naman siya pwede mobalik pagsulod sa tiyan sa iyang inahan. Si Jesus mitubag nga kinahanglan matawo pagusab ang tawo pinaagi sa Tubig ug sa Espirito.
Ang Tubig ug Espiritu maoy pamaagi sa pagbag-o sa tawo; ang tubig maoy simbolo sa paghugas kanato arun malimpyo ug mabag-o ang Espiritu. Si Kristo ang nagahimu niini ug dili ang tawo, siya ang nagpakatawo pagusab ni bisan kinsa nga midawat kaniya. Ang pagpakatawo pagusab dili kini nagpasabot sa paghimo ug mga ceremonias sama sa pagbobo ug tubig sa lawas arun mahugasan kundili kini pinaagi sa pagtuo lamang ni Kristo nga siya anak Dios nga nagluwas kanato gamit ang iyang kaugalingong dugo nga giula didto sa krus. Human ang tawo makatuo kaniya diha-diha nahugasan siya sa gahom sa Dios ug nabag-o na iyang espiritu, nga sa ato pa natawo na siya pagusab.
- 3Si Jesus mitubag, “Sultihan ko ikaw: walay makakita sa Gingharian sa Dios gawas kon siya matawo pag-usab.”4“Unsaon man pagkatawo pag-usab sa usa ka tawo nga tigulang na? Makasulod pa ba diay siya sa tiyan sa iyang inahan aron magpakatawo pag-usab?” nangutana si Nicodemo.5Si Jesus mitubag, “Sultihan ko ikaw: walay makasulod sa Gingharian sa Dios gawas kon matawo siya pinaagi sa tubig ug sa Espiritu. 6Ang gianak sa tawo, tawo usab. Ug ang gianak sa Espiritu, espiritu usab. 7Ayaw ikahibulong nga ako nag-ingon kanimo nga kinahanglan magpakatawo kamo pag-usab. 8Ang hangin mohuros bisan asa kini buot mopadulong; madungog mo ang paghuros niini, apan wala ka mahibalo diin kini gikan o asa kini padulong. Sama usab niini ang tanan nga matawo pinaagi sa Espiritu.” - Juan 3:3-8
Ang Tubig ug Espiritu maoy pamaagi sa pagbag-o sa tawo; ang tubig maoy simbolo sa paghugas kanato arun malimpyo ug mabag-o ang Espiritu. Si Kristo ang nagahimu niini ug dili ang tawo, siya ang nagpakatawo pagusab ni bisan kinsa nga midawat kaniya. Ang pagpakatawo pagusab dili kini nagpasabot sa paghimo ug mga ceremonias sama sa pagbobo ug tubig sa lawas arun mahugasan kundili kini pinaagi sa pagtuo lamang ni Kristo nga siya anak Dios nga nagluwas kanato gamit ang iyang kaugalingong dugo nga giula didto sa krus. Human ang tawo makatuo kaniya diha-diha nahugasan siya sa gahom sa Dios ug nabag-o na iyang espiritu, nga sa ato pa natawo na siya pagusab.
- 5Giluwas kita niya. Kini dili tungod sa bisan unsang maayo nga atong nabuhat kondili tungod sa iyang kaluoy. Giluwas kita niya pinaagi sa paghugas kanato aron kita matawo pag-usab ug makabaton ug bag-ong kinabuhi diha sa Espiritu Santo. 6Kay madagayaong gibubo sa Dios ang Espiritu Santo dinhi kanato pinaagi kang Jesu-Cristo nga atong Manluluwas. 7Pinaagi sa iyang grasya isipon kitang matarong sa Dios aron makapanag-iya kita sa kinabuhing walay kataposan nga atong gipaabot. 8Ug tinuod kini. - Tit.3:5-8
- 1Mga igsoon, pahinumdoman ko kamo sa Maayong Balita nga giwali ko kaninyo. Gidawat ninyo kini ug gibarogan ninyo ang inyong pagtuo. 2Mao kini ang Maayong Balita, ang mensahe nga akong giwali kaninyo. Maluwas kamo pinaagi sa Maayong Balita kon magpabilin kamo niini nga malig-on—gawas kon taphaw lamang ang inyong pagtuo.3Gitudlo ko kaninyo ang akong nadawat nga mahinungdanon kaayo: kini mao nga si Cristo namatay alang sa atong mga sala sumala sa nahisulat sa Kasulatan. 4Gilubong siya ug sa ikatulo ka adlaw gibanhaw sumala sa nahisulat sa Kasulatan. - 1Cor.15:1-4