kasabutan
Ang Bibliya maoy sinulat nga kasabotan tali sa Dios ug sa iyang katawhan ug ang kasabotan gipanalipdan sa balaod.
Daan nga Kasabutan:
Ang daan nga kasabotan mao ang gikauyonan nga buhaton sa Dios ug sa Israel pinaagi ni Moses. Ang maong kasabotan nagasikad sa napulo ka sugo nga gidawat ni Moses didto sa Sinai.
Ug ang kasabotan sa Dios gipalig-on sa dugo.
Apan pagabot sa saktong panahon 430 ka tuig ang nilabay, ang daang kasabotan napamatud-an nga naay sayup mao nga nagahimu ug bag-ong kasabotan ang Dios.
Bag-o nga Kasabotan:
Ang Bag-ong Kasabotan mao na ang walay katapusang kasabotan tali sa Dios ug sa iyang katawhan. Kini gipasikad sa mga balaod ni Kristo ug gipalig-on sa iyang kaugalingong dugo.
Maona kini ang bag-ong kasabotan karun nga hinimo dili pinaagi sa sulat kundili pinaagi sa espiritu. Ug matud pa sa Dios, ang balaod ani na kasabotan iyang isulat sa atong mga kasing-kasing ug huna-huna.
Daan nga Kasabutan:
Ang daan nga kasabotan mao ang gikauyonan nga buhaton sa Dios ug sa Israel pinaagi ni Moses. Ang maong kasabotan nagasikad sa napulo ka sugo nga gidawat ni Moses didto sa Sinai.
- AngGinoo nga atong Dios naghimog kasabotan uban kanato didto sa Bukid sa Sinai. - Deu.5:2
- “Hinumdomi ninyo ang Balaod ni Moises nga akong alagad, ang mga tulomanon ug mga sugo nga gihatag ko kaniya didto sa Bukid sa Horeb aron ipatuman sa tanang katawhan sa Israel. - Mal.4:4
Ug ang kasabotan sa Dios gipalig-on sa dugo.
- Unya gikuha ni Moises ang dugo ug gisablig ngadto sa katawhan. Siya miingon, “Mao kini ang dugo nga naglig-on sa kasabotan nga gihimo sa Ginoo uban kanato sa paghatag niya niining tanang mga sugo.” - Exo.24:8
Apan pagabot sa saktong panahon 430 ka tuig ang nilabay, ang daang kasabotan napamatud-an nga naay sayup mao nga nagahimu ug bag-ong kasabotan ang Dios.
- Apan gihatagan si Jesus ug parianong katungdanan nga mas halangdon pa kaayo kay sa ila. Sa samang paagi, ang kasabotan nga iyang gihikay tali sa Dios ug sa tawo mas maayo kay sa unang kasabotan tungod kay kini gipasikad man sa labi pang maayong mga saad. 7Kon wala pay sayop kadtong unang kasabotan, wala unta kinahanglana ang ikaduha. 8Apan nakakita ang Dios ug kasaypanan sa iyang katawhan. Miingon siya, “Nagsingabot ang mga adlaw, nag-ingon ang Ginoo, nga maghimo akog bag-ong kasabotan tali sa katawhan sa Israel ug sa banay ni Juda. 9Dili kini sama sa kasabotan nga gihimo ko tali sa ilang mga katigulangan sa adlaw nga giagak ko sila aron mamiya gikan sa yuta sa Ehipto. Wala nila tumana ang kasabotan nga gihimo ko tali kanako ug kanila, busa wala ko sila panumbalinga, miingon ang Ginoo. 10Mao kini ang kasabotan nga himoon ko tali sa katawhan sa Israel human niadtong mga adlawa, nag-ingon ang Ginoo. Ibutang ko ang akong mga balaod diha sa ilang mga hunahuna, ug isulat ko kini sa ilang mga kasingkasing. Mahimo ako nga ilang Dios ug mahimo sila nga akong katawhan. 11Ug dili kinahanglan nga magtudlo pa sila sa ilang isigkalumulupyo o magsulti sa ilang isigkalungsoranon, ‘Ilha ang Ginoo!’ Kay makaila silang tanan kanako, gikan sa labing ubos hangtod sa labing halangdon kanila. 12Pasayloon ko sila sa ilang mga kalapasan ug dili ko na hinumdoman ang ilang mga sala.” 13Sa paghisgot mahitungod sa usa ka bag-ong kasabotan, ang Dios naghimong daan sa nahauna ug ang tanan nga nagkadaan ug nagkadunot mahanaw sa dili madugay. - Heb.8:6-13
Bag-o nga Kasabotan:
Ang Bag-ong Kasabotan mao na ang walay katapusang kasabotan tali sa Dios ug sa iyang katawhan. Kini gipasikad sa mga balaod ni Kristo ug gipalig-on sa iyang kaugalingong dugo.
- Pagtinabangay kamo sa pagpas-an sa inyong mga alantuson kay niining paagiha matuman ninyo ang sugo ni Cristo. - Gal.6:2
- Karon, ang Dios sa kalinaw nga nagbanhaw sa atong Ginoong Jesus, ang Gamhanang Magbalantay sa mga karnero, pinaagi sa dugo sa walay kataposang kasabotan, - Heb.13:20
Maona kini ang bag-ong kasabotan karun nga hinimo dili pinaagi sa sulat kundili pinaagi sa espiritu. Ug matud pa sa Dios, ang balaod ani na kasabotan iyang isulat sa atong mga kasing-kasing ug huna-huna.
- kay siya ang naghimo kanamong takos sa pag-alagad sa bag-ong kasabotan. Kining bag-ong kasabotan dili balaod nga sinulat kondili iya sa Espiritu. - 2Cor.3:6
- Ibutang ko ang akong mga balaod diha sa ilang mga hunahuna, ug isulat ko kini sa ilang mga kasingkasing. Mahimo ako nga ilang Dios ug mahimo sila nga akong katawhan. - Heb.8:10