kinsa Ang Dios
Ang Dios nga magbubuhat sa mga langit ug yuta nagpaila sa daghang ngalan ug nagkalain-laing kahimtang. Sa sinugdan wala gayud nagpakita ang iyang hitsura sa mga tawo. Nakigsulti siya sa iyang katawhan pinaagi lamang sa iyang gahom nga gihimo sa tingog, kalayo, ug damgo. Saksi niini ang iyang mga propeta ug mga piniling tawo nga maoy iyang gitugyanan sa iyang mga sugo. Apan paglabay sa daghang katuigan nagpakita siya pinaagi sa panagway ni Hesukristo nga maoy panagway sa dili makita nga Dios kaniadto matud pa sa bibliya.
Nagpaila siya sa ngalan sa usa ka Amahan ug usa ka Anak; Jehova/Yaweh ang ngalan sa Amahan ug Hesukristo ang anak. Apan sa wala pa gibuhat ang tanang butang ang ilang duha ka ngalan diha na. Ang amahan ug anak nagkauban na daan sa wala pa sila mailhi sa mga tawo.
Ang gahom sa iyang ngalan sama sa tawhanong amahan ug anak; ang gahom sa Amahan mas labaw pa kaysa Anak. Ug sama usab sa tawhanong amahan nga nagtrabaho para sa kalipay sa iyang anak, ingon ana usab ang ngalan sa Dios nga gipaila sa kasulatan.
Kini nga kasayuran maoy nakapalibug pag-ayo sa mga katawhan ug nagresulta sa nagkalain-laing pagsabot bahin sa Dios. Ang uban nagtuo nga ang Dios usa ra apan tulo ang hitsura nga mao ang hitsura sa Amahan, lain hitsura sa Anak, ug lain hitsura sa Espiritu. Ang uban usab nagtuo nga usa ra ang panagway sa Dios ug usa ra ang iyang ngalan nga mao si Jehova.
Apan ang Dios nagpasabot mahitungod niining bahina sa dihang na human pagsulat ang tanang pulong diha sa bibliya. Si Hesus nagsulti sa klaro gayud nga ang gidala nga mga ngalan sa Dios pinaagi sa Amahan ug Anak usa ra, ug nga Siya(Hesus) ug ang Amahan usa ra. Nagpasabot nga duha iya ngalan apan usa ra ang panagway. Susama ra kini sa usa ka tawo nga daghan ang gidala ngalan sa facebook nga nakig-estorya sa iyang kaugalingon ngadto sa kadaghanan para maipakita niya ang kalainan o tuyo sa usa ka minsahe. Ang pagpadayag ni Hesus bahin sa ngalan sa Dios maoy tubag sa mga pangutana sa mga tawo kaniadto ug sa mga tawo sa bag-ong kasulatan, nga ang Dios kaniadto ug si Hesus usa ra. Ang ngalan sa Amahan mao usab ang ngalan ni Hesus.
Ang Dios sa daang kasulatan nagpaila nga siya ang "Sinugdan ug ang Katapusan". Ug kini nga pagkagamhanan gipadayag usab ngadto ni Juan sa bag-ong kasulatan nga ang "Sinugdan ug ang Katapusan" mao diay ang Kristo.
Sa katapusang minsahe sa Dios nga iyang gipadayag ni Juan nga si Kristo ang makita nga naglingkud sa trono didto sa langit ug gisimba sa mga katawhan nga atoa na didto.
Ang tanang mga paagi ug mga panghitabo sa tanang kapanahunan namugna arun lamang madayeg ang iyang pagka Dios sa katapusang adlaw sa iyang mga plano, diha sa pagkahibalo nga ang Kristo maoy madayeg ug mapasidunggan sa tanan. Iya na kita gipasabot nga natapos na ang tanan pinaagi sa iyang pagpakita sa panagway ni Hesus ug nga kita karun magatuo na sa usa ka Dios nga mao si HesuKristo.
- Si Cristo mao ang makita nga dagway sa dili makita nga Dios. Siya ang kamagulangang Anak ug labaw sa tanang binuhat. 16Kay pinaagi kaniya gibuhat sa Dios ang tanan nga atua sa langit ug ania sa yuta, makita ug dili makita—mga gahom nga espirituhanon, mga pamunoan, mga hari ug ang tanan nga nagmando. Gibuhat sa Dios ang tanan pinaagi kaniya ug alang kaniya. - Col 1:15 -16
- Naglarawan siya sa himaya sa Dios ug diha gayod kaniya ang kinaiya sa Dios. Siya maoy nagkupot sa tibuok uniberso pinaagi sa iyang gamhanang pulong. Tapos niya hugasi ang mga tawo sa ilang mga sala, milingkod siya sa tuo sa Dios didto sa langit. -Heb 1:3
Nagpaila siya sa ngalan sa usa ka Amahan ug usa ka Anak; Jehova/Yaweh ang ngalan sa Amahan ug Hesukristo ang anak. Apan sa wala pa gibuhat ang tanang butang ang ilang duha ka ngalan diha na. Ang amahan ug anak nagkauban na daan sa wala pa sila mailhi sa mga tawo.
- Nag-ingon ang hari, “Isangyaw ko ang giingon kanako sa Ginoo. Miingon siya kanako, ‘Ikaw akong anak; ug karong adlawa imo na akong amahan. -Salmo 2:7
- “Una ako sa tanang mga gibuhat sa Ginoo, ang una sa iyang mga gimugna. 23Gibuhat ako niya sa sinugdan pa gayod, sa wala pa buhata ang kalibotan. 24Nahimugso ako sa wala pay mga lawod, sa wala pay mga tubod sa tubig. 25Diha na ako sa wala pa ang kabukiran ug kabungtoran, 26sa wala pa buhata sa Dios ang kalibotan ug ang mga kaumahan bisan gani sa wala pay yuta. 27Didto na ako sa pagpahimutang niya sa langit,
sa paghikyad niya sa gitagboan sa langit ug sa yuta latas sa kadagatan, 28sa pagpahimutang niya sa mga panganod sa langit, sa pagpabuhagay niya sa mga tuboran sa kalawran, 29ug sa pagsugo niya sa mga tubig sa dagat sa dili paglapas sa ilang utlanan. Didto na ako sa pagbutang niya sa sukaranan sa kalibotan. 30Tupad ako niya sama sa usa ka arkitekto, ako ang iyang kalipay sa matag adlaw; malipayon ako kanunay uban kaniya--Panultihon 8:22 -30 - Kinsa may nakasugid sa kahibalong langitnon? Kinsa may nakahakgom sa hangin diha sa iyang kamot? O nakasalod ug tubig diha sa usa ka panapton? O nakatino sa kinutoban sa kalibotan? Kinsa man siya ug kinsa man ang iyang anak? Nakahibalo gayod kamo niana! - Panultihon 30:4
Ang gahom sa iyang ngalan sama sa tawhanong amahan ug anak; ang gahom sa Amahan mas labaw pa kaysa Anak. Ug sama usab sa tawhanong amahan nga nagtrabaho para sa kalipay sa iyang anak, ingon ana usab ang ngalan sa Dios nga gipaila sa kasulatan.
- Gisultihan ko na kamo nga mobiya ako apan mobalik ako. Kon gihigugma ninyo ako, malipay kamo nga moadto ako sa Amahan kay siya labaw man kanako. - Juan 14:28
- Karon, Amahan, pasidunggi ako diha sa imong presensya pinaagi sa dungog nga akong gihuptan uban kanimo sa wala pa buhata ang kalibotan. - Juan 17:5
Kini nga kasayuran maoy nakapalibug pag-ayo sa mga katawhan ug nagresulta sa nagkalain-laing pagsabot bahin sa Dios. Ang uban nagtuo nga ang Dios usa ra apan tulo ang hitsura nga mao ang hitsura sa Amahan, lain hitsura sa Anak, ug lain hitsura sa Espiritu. Ang uban usab nagtuo nga usa ra ang panagway sa Dios ug usa ra ang iyang ngalan nga mao si Jehova.
Apan ang Dios nagpasabot mahitungod niining bahina sa dihang na human pagsulat ang tanang pulong diha sa bibliya. Si Hesus nagsulti sa klaro gayud nga ang gidala nga mga ngalan sa Dios pinaagi sa Amahan ug Anak usa ra, ug nga Siya(Hesus) ug ang Amahan usa ra. Nagpasabot nga duha iya ngalan apan usa ra ang panagway. Susama ra kini sa usa ka tawo nga daghan ang gidala ngalan sa facebook nga nakig-estorya sa iyang kaugalingon ngadto sa kadaghanan para maipakita niya ang kalainan o tuyo sa usa ka minsahe. Ang pagpadayag ni Hesus bahin sa ngalan sa Dios maoy tubag sa mga pangutana sa mga tawo kaniadto ug sa mga tawo sa bag-ong kasulatan, nga ang Dios kaniadto ug si Hesus usa ra. Ang ngalan sa Amahan mao usab ang ngalan ni Hesus.
- Ako ug ang Amahan usa ra.” - Juan 10:30
- Ug karon moanha ako kanimo. Dili na ako magdugay dinhi sa kalibotan apan sila magpabilin dinhi. Balaang Amahan, bantayi sila diha sa gahom sa imong ngalan—ang ngalan nga imong gihatag kanako, - Juan 17:11
Ang Dios sa daang kasulatan nagpaila nga siya ang "Sinugdan ug ang Katapusan". Ug kini nga pagkagamhanan gipadayag usab ngadto ni Juan sa bag-ong kasulatan nga ang "Sinugdan ug ang Katapusan" mao diay ang Kristo.
- Ang Ginoo miingon,“Pamati kanako, O Israel, ikaw katawhan nga akong gitawag! Ako mao ang Dios, ang sinugdan ug ang kataposan.. - Isaias 48:12
- Tan-awa unya! Moanhi siya uban sa mga panganod ug makita gayod siya sa tanan lakip sa naglansang kaniya. Magminatay ang tanang katawhan sa yuta tungod kaniya. Tinuod gayod kini! Amen. 8“Ako ang Alpa ug ang Omega,” nag-ingon ang Ginoong Dios nga Labing Gamhanan, ang Dios karon, kaniadto ug ang moanhi. Gip.1:7-8
- Si Jesus miingon, “Mobalik ako sa dili madugay nga magdalag ganti aron ihatag sa tagsatagsa sumala sa iyang binuhatan. 13Ako ang Alpa ug ang Omega, ang una ug ang ulahi, ang sinugdan ug ang kataposan.” - Gip.22:12-13
- Nasayod usab kita nga mianhi ang Anak sa Dios ug mihatag kanatog salabotan aron makaila kita sa matuod nga Dios. Ang atong kinabuhi anaa sa matuod nga Dios—sa iyang Anak nga si Jesu-Cristo. Siya ang matuod nga Dios ug ang kinabuhi nga dayon. - 1Juan 5:20
Sa katapusang minsahe sa Dios nga iyang gipadayag ni Juan nga si Kristo ang makita nga naglingkud sa trono didto sa langit ug gisimba sa mga katawhan nga atoa na didto.
- “Ayaw kahadlok! Ako ang sinugdan ug ang kataposan. 18Ako ang buhi! Namatay ako apan tan-awa, buhi ako ug dili na gayod mamatay. Ilalom sa akong gahom ang Kamatayon ug ang Hades. - Gip.1:17-18
- 2Dihadiha gigamhan ako sa Espiritu ug nakita ko didto sa langit ang usa ka trono ug may naglingkod niini.
- Wala silay hunong sa ilang pag-awit adlaw ug gabii:
“Balaan, balaan, balaan, ang Ginoong Dios nga Labing Gamhanan,
ang kaniadto, ang karon ug ang moanhi.”
9Sa matag higayon nga ang upat ka buhing binuhat magdayeg ug magpasalamat kaniya nga buhi sa kahangtoran nga naglingkod sa trono, 10manghapa sa atubangan niya ang 24 ka pangulo ug magsimba kaniya. Iitsa nila ang ilang mga korona atubangan sa trono ug moingon,
11“Among Ginoo ug Dios!
Angay kang modawat sa pagdayeg
ug sa pasidungog ug sa gahom.
Kay ikaw may nagbuhat sa tanang butang,
ug pinaagi sa imong pagbuot namugna ang tanan.” - 11Ug mitan-aw ako pag-usab ug nadungog ko ang liboan ka libong mga anghel! Nag-alirong sila sa trono uban sa upat ka buhing binuhat ug mga pangulo 12ug nag-awit sila sa makusog:
“Ang Nating Karnero nga gipatay
takos sa pagdawat sa gahom, sa bahandi, sa kaalam ug sa kusog,
sa dungog, sa himaya ug sa pagdayeg!”
13Ug nadungog ko ang tanang binuhat didto sa langit, dinhi sa yuta ug sa ilalom sa yuta ug sa dagat—ang tanang binuhat sa tibuok kalibotan—ug nag-awit sila nga nag-ingon:
“Alang kaniya nga naglingkod sa trono ug alang sa Nating Karnero,
ang pagdayeg, dungog, himaya ug gahom,
hangtod sa kahangtoran!”
14Ug mitubag ang upat ka buhing binuhat nga nag-ingon, “Amen!” Ug nanghapa ang mga pangulo ug misimba.
Ang tanang mga paagi ug mga panghitabo sa tanang kapanahunan namugna arun lamang madayeg ang iyang pagka Dios sa katapusang adlaw sa iyang mga plano, diha sa pagkahibalo nga ang Kristo maoy madayeg ug mapasidunggan sa tanan. Iya na kita gipasabot nga natapos na ang tanan pinaagi sa iyang pagpakita sa panagway ni Hesus ug nga kita karun magatuo na sa usa ka Dios nga mao si HesuKristo.
- Kay pinaagi kaniya gibuhat sa Dios ang tanan nga atua sa langit ug ania sa yuta, makita ug dili makita—mga gahom nga espirituhanon, mga pamunoan, mga hari ug ang tanan nga nagmando. Gibuhat sa Dios ang tanan pinaagi kaniya ug alang kaniya. - Col 1:16
- Nasayod usab kita nga mianhi ang Anak sa Dios ug mihatag kanatog salabotan aron makaila kita sa matuod nga Dios. Ang atong kinabuhi anaa sa matuod nga Dios—sa iyang Anak nga si Jesu-Cristo. Siya ang matuod nga Dios ug ang kinabuhi nga dayon. - 1Juan 5:20