bunyag
Ang bunyag maoy nagpamatuod sa pagkatawo pagusab sa usa ka tawo. Timaan kini sa paghugas sa tanang kasaypanan ug takos na sa pagdawat sa gasa nga gihatag sa Dios.
Bunyag Pinaagi sa Baha:
Sama sa panahon ni Noe, siya ug ang iyang pamilya gibunyagan sa dakong baha nga maoy nakapahinlo sa tibuok kalibutan ug nagluwas kanila gikan sa dautang katawhan.
Bunyag pinaagi sa Panganod ug sa Dagat:
Sa panahon ni Moses sila nabunyagan pinaagi sa panganod ug dagat arun maluwas sa kamatayon nga nag gukod kanila nga mao ang mga sundalo sa Ehipto.
Bunyag pinaagi sa Tubig:
Ang bunyag sa tubig para lamang niadtung naghinulsol nga mga katawhan sa Israel. Kini arun malamdagan silang daan ug motuo sa pag-abot na ni Jesus. Gilimpyuhan daan ni Juan ang agianan ni Jesus pinaagi sa paghugas kanila sa tubig.
Bunyag pinaagi sa Espiritu Santo uban sa Kalayo:
Sa dihang nikayab na si Kristo sa langit dinhi usab nagsugod ang pagbunyag pinaagi sa Espiritu Santo. Gipamatud-an kini ni Juan sa iyang pag-ingon; "Ako nagbunyag kaninyo pinaagi sa tubig aron pagpakita nga naghinulsol ug mibiya kamo sa inyong mga sala. Apan ang moanhi sunod kanako magbunyag kaninyo pinaagi sa Espiritu Santo ug sa kalayo. Siya mas gamhanan kay kanako ug dili ako angay bisan gani sa pagbitbit sa iyang sandalyas. - Mat.3:11
Ug unya nahitabo ang pagpamunyag sa mga tawo pinaagi sa Espiritu Santo niadtong adlawa. Miabot gikan sa langit ang gahom sa Dios nga sama sa dila nga kalayo ug mitungtong sa mga ulo sa kada tawo nga magtutuo. Ug unya nasudlan sila sa Espiritu Santo ug nakabaton sa katingalahang gahom.
Bunyag pinaagi sa Kamatayon/Dugo ni Kristo:
Kini nga balita gisulti ni Pablo sa iyaang pagsangyaw sa sugo ni Kristo. Matud pa niya nga wala sa iyang pagtulun-an ang pagbunyag sa tubig. Iyang gipahibalo ang kamatuoran nga ang kamatayon ni Kristo maoy bunyag sa mga bag-ong kinabig sa pagtuo. Ug gani matud pa niya niadtong tungura nga daghan sila nga nabunyagan sa kamatayon didto sa krus kay arun sa pagkabanhaw ni Kristo mabanhaw usab ang nabunyagan sa kamatayon.
Dinhi ato usab masabtan nga ang nigawas nga Dugo ug Tubig sa kilid ni Jesus didto sa krus maoy simbolo sa paghugas o paghinulsol sa sala ug paglig-on sa bag-ong kasabotan. Ang tubig maoy simbolo sa paglimpyo sa iyang katawhan niadtong buhi pa siya, ug ang dugo maoy simbolo sa bag-ong kasabutan nga binunyagan sa kamatayon ug pagkabanhaw.
Sa atong panahon karun unsa nga paagi sa bunyag nga angay? ang tubag mao nga bunyag nga gitudlo ni Pablo, sa pagtuo sa kamatayon ug pagkabanhaw ni Kristo.
Bunyag Pinaagi sa Baha:
Sama sa panahon ni Noe, siya ug ang iyang pamilya gibunyagan sa dakong baha nga maoy nakapahinlo sa tibuok kalibutan ug nagluwas kanila gikan sa dautang katawhan.
- 20Mao kini ang mga espiritu sa mga tawo nga misupil sa Dios samtang siya mapailubon nga naghulat kanila sa diha nga si Noe naghimo sa arka. Walo lamang ka tawo ang misulod sa arka ug naluwas pinaagi sa tubig. - 1Ped.3:20
Bunyag pinaagi sa Panganod ug sa Dagat:
Sa panahon ni Moses sila nabunyagan pinaagi sa panganod ug dagat arun maluwas sa kamatayon nga nag gukod kanila nga mao ang mga sundalo sa Ehipto.
- 1Mga igsoon, buot kong hinumdoman ninyo ang atong mga katigulangan nga gipanalipdan sa panganod ug milatas sa Dagat nga Pula. 2Pinaagi sa panganod ug sa dagat gibunyagan silang tanan ingon nga mga sumusunod ni Moises. - 1Cor.10:1-3
Bunyag pinaagi sa Tubig:
Ang bunyag sa tubig para lamang niadtung naghinulsol nga mga katawhan sa Israel. Kini arun malamdagan silang daan ug motuo sa pag-abot na ni Jesus. Gilimpyuhan daan ni Juan ang agianan ni Jesus pinaagi sa paghugas kanila sa tubig.
- 4Unya si Pablo miingon, “Ang bunyag ni Juan alang lamang niadtong naghinulsol ug iyang gitudloan ang katawhan sa Israel nga kinahanglan motuo sila niadtong moanhi sunod kaniya nga mao si Jesus.” - Buh.19:4
- 4Busa namunyag si Juan sa mga tawo didto sa kamingawan ug nagwali, “Hinulsoli ug biyai ang inyong mga sala ug pagpabunyag kamo ug pasayloon kamo sa Dios.” - Mar.1:4
- 19Tungod niini, sa inyong pagpanglakaw himoa nga akong mga tinun-an ang tanang katawhan sa tibuok kalibotan. Bunyagi sila sa ngalan sa Amahan, sa Anak ug sa Espiritu Santo - Mat.28:19
- 16Ang motuo ug magpabunyag maluwas, apan ang dili motuo, silotan. - Mar.16:16
Bunyag pinaagi sa Espiritu Santo uban sa Kalayo:
Sa dihang nikayab na si Kristo sa langit dinhi usab nagsugod ang pagbunyag pinaagi sa Espiritu Santo. Gipamatud-an kini ni Juan sa iyang pag-ingon; "Ako nagbunyag kaninyo pinaagi sa tubig aron pagpakita nga naghinulsol ug mibiya kamo sa inyong mga sala. Apan ang moanhi sunod kanako magbunyag kaninyo pinaagi sa Espiritu Santo ug sa kalayo. Siya mas gamhanan kay kanako ug dili ako angay bisan gani sa pagbitbit sa iyang sandalyas. - Mat.3:11
Ug unya nahitabo ang pagpamunyag sa mga tawo pinaagi sa Espiritu Santo niadtong adlawa. Miabot gikan sa langit ang gahom sa Dios nga sama sa dila nga kalayo ug mitungtong sa mga ulo sa kada tawo nga magtutuo. Ug unya nasudlan sila sa Espiritu Santo ug nakabaton sa katingalahang gahom.
- 1Sa pag-abot na sa adlaw sa Pentecostes, ang tanang magtutuo nagtigom sa usa ka dapit. 2Ug sa kalit may haguros gikan sa langit sama sa kusog nga huros sa hangin ug milukop kini sa tibuok balay nga ilang gitigoman. 3Unya nakakita silag daw mga dila nga kalayo nga nagtungtong diha sa matag usa kanila. 4Silang tanan napuno sa Espiritu Santo ug misultig nagkalainlaing pinulongan sumala sa gipasulti kanila sa Espiritu. - Buh.2:1-4
- 4Unya si Pablo miingon, “Ang bunyag ni Juan alang lamang niadtong naghinulsol ug iyang gitudloan ang katawhan sa Israel nga kinahanglan motuo sila niadtong moanhi sunod kaniya nga mao si Jesus.” 5Sa pagkadungog nila niini, gibunyagan sila sa ngalan sa Ginoong Jesus. 6Sa dihang gipandongan sila ni Pablo sa iyang kamot, mikunsad kanila ang Espiritu Santo; unya nagsulti silag lahi nga mga pinulongan ug nagwali usab sa pulong sa Dios. 7Mga 12 sila ka tawo. - Buh.19:4-7
- 44Samtang nagsulti pa si Pedro, mikunsad ang Espiritu Santo kanilang tanan nga namati sa mensahe. 45Ang mga magtutuo nga Judio nga taga-Jopa nga kuyog ni Pedro natingala nga ang Dios nagbubo usab sa iyang gasa nga mao ang Espiritu Santo ngadto sa mga dili Judio 46kay nadunggan man nila nga ang mga dili Judio nagsulti sa lahi nga mga pinulongan ug nagdayeg sa Dios. Si Pedro miingon, 47“Kining mga tawhana nakadawat sa Espiritu Santo, ingon nga kami nakadawat usab. Duna ba kaninyoy makapugong nga bunyagan sila pinaagi sa tubig?” 48Busa misugo siya nga bunyagan sila sa ngalan ni Jesu-Cristo. - Buh.10:44-47
Bunyag pinaagi sa Kamatayon/Dugo ni Kristo:
Kini nga balita gisulti ni Pablo sa iyaang pagsangyaw sa sugo ni Kristo. Matud pa niya nga wala sa iyang pagtulun-an ang pagbunyag sa tubig. Iyang gipahibalo ang kamatuoran nga ang kamatayon ni Kristo maoy bunyag sa mga bag-ong kinabig sa pagtuo. Ug gani matud pa niya niadtong tungura nga daghan sila nga nabunyagan sa kamatayon didto sa krus kay arun sa pagkabanhaw ni Kristo mabanhaw usab ang nabunyagan sa kamatayon.
- Si Cristo wala magpadala kanako aron ako mamunyag kondili aron magsangyaw sa Maayong Balita. Wala nako gamita ang mga pulong nga lisod sabton aron dili mawagtang ang gahom sa kamatayon ni Cristo didto sa krus. - 1Cor.17
- Rom 6:3 Know ye not, that so many of us as were baptized into Jesus Christ were baptized into his death? 4 Therefore we are buried with him by baptism into death: that like as Christ was raised up from the dead by the glory of the Father, even so we also should walk in newness of life. 5 For if we have been planted together in the likeness of his death, we shall be also in the likeness of his resurrection:
Dinhi ato usab masabtan nga ang nigawas nga Dugo ug Tubig sa kilid ni Jesus didto sa krus maoy simbolo sa paghugas o paghinulsol sa sala ug paglig-on sa bag-ong kasabotan. Ang tubig maoy simbolo sa paglimpyo sa iyang katawhan niadtong buhi pa siya, ug ang dugo maoy simbolo sa bag-ong kasabutan nga binunyagan sa kamatayon ug pagkabanhaw.
- 33Apan sa pagduol na nila kang Jesus, nakita nila nga patay na siya busa wala nila balia ang iyang mga bitiis. 34Apan ginamit ang iyang bangkaw, giduslak sa usa sa mga sundalo ang kilid ni Jesus ug dihadiha mibuhagay ang dugo ug tubig. - Juan 19:33-34
- 9Ug karon nga gihimo na kitang matarong pinaagi sa iyang dugo, labi pa gayod nga luwason kita niya gikan sa kasuko sa Dios. - Rom.5:9
- 11Busa kining maong tawo nga huyang ug pagtuo madaot tungod sa imong “kahibalo”. Apan hinumdomi nga siya imong igsoon ug gipakamatyan ni Cristo! - 1Cor.8:11
- 28Bantayi ninyo ang inyong kaugalingon ug ang tanang mga magtutuo nga gitugyan sa Espiritu Santo aron inyong amomahon. Atimana usab ang simbahan sa Dios nga naiya pinaagi sa dugo sa iyang Anak. - Buh.20:28
Sa atong panahon karun unsa nga paagi sa bunyag nga angay? ang tubag mao nga bunyag nga gitudlo ni Pablo, sa pagtuo sa kamatayon ug pagkabanhaw ni Kristo.