kamatayon
Ang pagkahurot sa enerhiya sa usa ka butang maoy hinungdan sa iyang kamatayon. Bisan pa ang adlaw nga hangtud karun nagahatag pa sa kahayag apan adunay kinutuban pagabot sa iyang panahon. Matud pa sa bibliya ang tawo gihimo unta sa Dios nga walay kamatayon apan tungod sa mga tintasyon sa iyang palibot nga gipuyan nakakat-on siya sa dautang buhat hinungdan nga gidid-an na siya pagkaon sa kahoy sa kinabuhi aron mamatay. Sa panahon ni Adan nabuhi siya sulod sa 930 ka tuig apan sa dihang nisamot pag kalyap ang dautang binuhatan sa iyang kaliwat gihimo sa Dios nga 120 ka tuig nalang ang pangidaron sa tawo sugod sa kaliwat ni Noe. Ang pagkadautan maoy nakapagamay sa kinabuhi, nga sa ato pa kung walay dautan wala unta ang kamatayon. Kini tungod kay ang Dios nagapakaon sa tawo matagadlaw ug espirituhanong kalan-on arun dili mamatay. Ang kalan-on sa kinabuhi maoy enerhiya sa tawo aron dili mamatay ug magpadayon magalagad sa Dios uban sa tanang binuhat.
Paglabay sa libo-libong katuigan ang Dios nagahatag ug kapasayloan sa sala aron mabuhi pagusab ang tawo ug dili na mamatay. Pinaagi sa iyang Anak nga si HesuKristo ang tanan makakaon na pagusab sa espirituhanong kalan-on sa kinabuhi. Mao kini ang iyang gihatag nga gasa arun mahibalik ang mga tawo ngadto kaniya nga nagbuhat kanila. Ang tanang nga midawat ni Kristo nakakaon na sa gamhanang kahoy ug makapadayon pagkinabuhi didto sa langit human dinhi sa kalibotan. Ang kalibotan puno man sa kadautan nga maoy naghatag sa kamatayon apan adunay bag-ong kalibotan sama sa gipay-an ni Adan kaniadto nga mao usab atong mapoy-an karun, ang paraiso. Si Kristo lamang ang paagi sa pagkab-ot sa walay katapusang kinabuhi ug wala nay lain pa.
Ang butang nga naay kamatayon mao ang butang nga kalibotanon busa aron makaadto kita sa lugar nga langitnon ug walay kamatayon kinahanglan mamatay sang daan ang lawas arun mapolihan ug lawas nga langitnon. Tungod kay wala gayuy unod ug dugo nga makasulod sa gingharian sa Dios.
Mao nga ang kamatayon sa lawas sa tawo mao ang kadaugan niadtong misalig ni Kristo. Ang kamatayon sinugdanan lamang sa pagpuyo sa kinabuhing walay katapusan.
- Unya ang Ginoo miingon, “Dili ko tugotan ang tawo nga mabuhi hangtod sa kahangtoran kay tawo lamang siya. Sukad karon kutob ra gayod sa 120 ka tuig ang ilang kinabuhi. ” - Gen.6:3
- Unya miingon ang Ginoong Dios, “Karon ang tawo nahisama na kanato ug nahibalo na siya unsay maayo ug unsay daotan. Kinahanglan dili siya tugotan pagkaon sa bunga sa kahoy nga naghatag ug kinabuhi aron dili siya magpabiling buhi hangtod sa kahangtoran.” - Gen.3:22
Paglabay sa libo-libong katuigan ang Dios nagahatag ug kapasayloan sa sala aron mabuhi pagusab ang tawo ug dili na mamatay. Pinaagi sa iyang Anak nga si HesuKristo ang tanan makakaon na pagusab sa espirituhanong kalan-on sa kinabuhi. Mao kini ang iyang gihatag nga gasa arun mahibalik ang mga tawo ngadto kaniya nga nagbuhat kanila. Ang tanang nga midawat ni Kristo nakakaon na sa gamhanang kahoy ug makapadayon pagkinabuhi didto sa langit human dinhi sa kalibotan. Ang kalibotan puno man sa kadautan nga maoy naghatag sa kamatayon apan adunay bag-ong kalibotan sama sa gipay-an ni Adan kaniadto nga mao usab atong mapoy-an karun, ang paraiso. Si Kristo lamang ang paagi sa pagkab-ot sa walay katapusang kinabuhi ug wala nay lain pa.
- Kay ang bayad sa pagpakasala mao ang kamatayon apan ang gasa sa Dios mao ang kinabuhing walay kataposan nga anaa kang Cristo Jesus nga atong Ginoo. - Rom.6:23
Ang butang nga naay kamatayon mao ang butang nga kalibotanon busa aron makaadto kita sa lugar nga langitnon ug walay kamatayon kinahanglan mamatay sang daan ang lawas arun mapolihan ug lawas nga langitnon. Tungod kay wala gayuy unod ug dugo nga makasulod sa gingharian sa Dios.
- 7Ang unang Adan gihimo gikan sa abog sa yuta. Ang ikaduhang Adan mianhi gikan sa langit. 48Ang yutan-on sama sa hinimo gikan sa yuta ug ang langitnon sama niadtong mianhi gikan sa langit. 49Ingon nga nagsul-ob kita sa dagway sa tawo nga hinimo gikan sa yuta, magsul-ob unya usab kita sa dagway sa Tawo nga gikan sa langit. 50Mga igsoon, ang buot kong ipasabot mao nga ang hinimo gikan sa unod ug sa dugo dili makaambit sa Gingharian sa Dios, ug ang butang nga madunot dili makaangkon sa kinaiya niadtong walay pagkadunot. - 1Cor.15:47-50
Mao nga ang kamatayon sa lawas sa tawo mao ang kadaugan niadtong misalig ni Kristo. Ang kamatayon sinugdanan lamang sa pagpuyo sa kinabuhing walay katapusan.
- Kay alang kanako ang kinabuhi mao si Cristo ug ang kamatayon maghatag ug dugang nga kabulahanan. - Fil.1:21